د افغانستان د ازادو او عادلانه ټاکنو موسسه

څوارلس کاله مدني خدمتونه


ولسمشر او اجراییه رییس ته د فیفا پرانیستی لیک

د افغانستان اسلامي دولت ولسمشر جلالتمآب ډاکټر محمد اشرف‌ غني او اجراییه رییس جلالتمآب ډاکټر عبدالله ‌عبدالله! د سلام او درناوي په وړاندې کولو. دواړو عالي جنابانو ته د لازیاتو بریاو په هیله. د ملي یووالي د حکومت له کار څخه نږدې یو کال تېرېږي، که څه هم په بهرني سیاست کې لکه د سولې د خبرو اترو بهیر او په نړۍ کې د هېواد د ځای لوړولو او هم د نظام جوړونې او ښې حکومتولۍ په لور د تګ په برخه کې یو لړ پرمختګونه لیدل کېږي، خو د ټاکنیزو اصلاحاتو په برخه کې چې د سیاسي هوکړه لیک بنسټیزه برخه او هم د تاسو له ټاکنیزو ژمنو څخه وه، تر اوسه مو کوم ګام نه دی پورته کړی. اوسنی ګونګ بهیر چې د دولت او خلکو تر منځ د واټن رامنځته کېدو او په هېواد کې د ولسواکۍ او د ټاکنو پر بهیر باندې د خلکو د بې باورۍ د دوام لامل کېږي، له بده مرغه چې عالي جنابان یې پر وړاندې چوپه خوله پاتې دي. دا په داسې حال کې ده چې ولسمشر د اساسي قانون د ( ۶۴ ) مادې له مخې د اساسي قانون د پلي کولو مسوول دی او په ټولو برخو کې د پراخو او بنسټیزو اصلاحاتو راوستلو په موخه د ملي یووالي حکومت د هوکړه لیک د مادو په پلي کولو کې د دواړو ډلو مشرانو خلکو او نړیوالې ټولنې سره ژمنه کړې وه. جلالتمآبانو! موږ پوهېږو چې هېواد په حساس او ستونزمن حالت کې دی، موږ له هغو ستونزو څخه چې ملي یووالي حکومت ورسره لاس او ګرېوان دی، په بشپړه توګه خبر یو. پوهېږو چې حکومت اوس مهال د خپل کار په لومړیتوبونو کې حیاتي او مهمې برخې په ګوته کړي دي. خو هغه څه چې موږ یې د دغه لیک لیکلو ته اړ کړو، په هېواد کې د ډموکراسۍ او ټاکنو د راتلونکي په هکله اندېښنه ده، چېد دولت او ولس دوام راتلونکی دغه بحث پورې تړاولري. جلا له هغه څه چې په تېرو ټاکنو کې رامنځته شول، ټول پوهېږي چې د تېرو ټاکنو په دواړو پړاوونو کې تاسو د افغانستان د خلکو غوڅ اکثریتې رایې لاسته راوړې. د ملي یووالي حکومت جوړېدل چې د خلکو او نړیوالې ټولنې له هرکلي سره مخامخ شو، د تاسو پوهه او له وړاندې فکر یې هم څرګند کړ. تاسو ثابته کړه چې له دې وطن سره مینه لرئ او نه غواړئ له ناورین او جګړې سره مخامخ شي. د ملي یووالي حکومت رامنځته کولو او هم د اصلاحاتو راوستلو په موخه د سیاسي هوکړه لیک د ژمنو په پلي کولو او د ۱۳۹۳ کال د ټاکنیز ناورین د مخنیوي لپاره د تاسو ګډې هڅې د ستاینې وړ او له پامه نه غورځوونکې دي.

نور جزئیات

7/16/2015

نېټه

فیفا

خپروونکی

لیک

ډول

ټاکنې

برخه

له موږ سره اړیکه


پته: د حجاري او نجاري کوڅه، کارته چهار، کابل، افغانستان

د اړیکې شمېره: 82-0060-0772

د اړیکې شمېره: 52-3636-0782

برېښنالیک: info@fefa.org.af

زموږ رایه، زموږ راتلونکی

د کاپي حق محفوظ دی | 2018 | FEFA