وروسته د ټاکنو په پروسه کې د ځوانانو د ونډې پر اهمیت بحث وشو. ګډونوالو باور درلود چی د افغانستان ځوانان په ۲۰۰۱ زېږدیز کال کې د نوي څپرکي له رامنځ ته کېدو وروسته د پوهې او نوې ټکنالوژۍ څخه په ګټې اخیستنې له مهم او اساسي بدلونونو سره مخامخ شوي دي. د نن ځوانانو چلند او لیدلوری د پرون ځوانانو سره خورا توپیر لري. ځوانان د ډېرو ستونزو او ننګونو سره سره د روزنیز، اداري، سیاسي، مدني، رسنیو او مطبوعاتو د فعالیتونو په برخو کې د لویانو په پرتله رغنده ګامونه پورته کوي. د افغانستان په پارلمان کې هم زموږ ځوانان ښه ځلېدلي دي. د بیان ازادي او ټاکنې د ډموکراسۍ له بنسټیزو عناصرو څخه دي. د هېواد په تېرو ټاکنو او مطبوعاتو کې د ځوانانو پراخ شتون چې د بیان ازادۍ د ترویج اساسي لار ده، د بشري حقونو د ارزښتونو او ډموکراسۍ ټینګېدو کې د ځوانانو لېوالتیا ښيي. د یادونې وړ ده چې ځوانانو دغه ګامونه په هواره لار کې نه دي پورته کړي بلکې له ننګونو او کړاوونو سره مخامخ شوي چې وېره شته د هغو له پامه غورځول د ځوانانو د بېرته پاتې کېدو لامل نشي. د ساري په توګه ، لاندې د ټاکنو په پروسه کې د ځوانانو لپاره ننګونې او خنډونه دي. • بې سوادي او لوړو زده کړو ته د اسانتیا نشتوالی؛ • اقتصادي ستونزې؛ • ناامني؛ • خپلو اساسي حقونو ته د ځوانانو نه لاسرسی؛ • نشه یي توکو باندې روږدیتوب؛ • له هېواد څخه د ځوانانو تېشته؛ • د لویانو د واکمني کلتور او د ځوانانو پر وړتیا باندې د ټولنې بې باوري؛ • وزګارتیا؛ • د ځوانانو له ځواک او باور څخه ابزاري ګټه اخیستنه؛ • د ځوانانو تر منځ د باور د فضا نه شتون؛ • د ټاکنیزو کمیسیونونو د کارکوونکو لخوا د بې پرېتوب د اصل نه مراعتول چې دا خپله د ټاکنو پر وړاندې د ځوانانو د بې باورۍ فضا رامنځ ته کړې ده. به پایله کی برخه اخیستونکو پدې وروستیو کې د کار پورې اړوند ننګونې د میرمنو او ځوانانو لپاره د ننګونو پیژندلو او د لنډې او مینځنۍ مودې لپاره عملي حلونو پیژندلو سره هم پیژندلې. هغو څو مورده په لنډمهال او منځمهال کې د هواري وړ وبلل. دغه موارد زیاتره د هېواد کورني عوامل او د ټاکنیزو کمیسیونونو په سر کې مدیریتي ضعف دی. د ګډون کوونکو په باور د هېواد کورني عوامل لکه فساد او په ټولنه کې واکمن کلتور کولای شو په منځمهال او اوږدمهال کې د حکومتولۍ پیاوړتیا او ټولنیز پوهاوي له لارې هوار کړو. ګډون کوونکو د ټاکنو کمیسیون او نورو دولتي بنسټونو د مدیریتي ضعف اړوند مسایل په لنډمهال کې د هواري وړ وبلل. د ښځو د ګډون زیاتوالي لپاره د وړاندیز شوې کړنلارې زیاتره د هغو د کمرنګه شتون د عواملو له منځه وړلو سره تړاو ورکړل شو. دغه عوامل او وړاندیزونه په دوام کې ولولئ.