د افغانستان د ازادو او عادلانه ټاکنو موسسه

پنځلس کاله مدني خدمتونه


خبرپاڼه د ولایتي شوراګانو او د غزني ولایت د ولسي جرګې د ټاکنو او د ټاکنیزو اصلاحاتو اړوند موضوعاتو د هېرېدو او کمرنګي په اړه د فیفا اندېښنه

کابل – ۱۳۹۹/ د لیندۍ ۲۵مه د بېړني خپراوي لپاره د افغانستان د ازادو او عادلانه ټاکنو موسسه (فیفا) د سولې پر پروګرام چې د افغانستان د خلکو پخوانۍ هیله ده، د افغانستان د اسلامي جمهوریت تمرکز هرکلی کوي او هغه د ټولو کورنیو او نړیوالو اړخونو اساسي لومړیتوب ګڼي چې همکارۍ، ملاتړ او پیاوړتیا ته اړتیا لري. خو په ورته وخت کې د ټاکنو موضوع څنډې ته کېدو او د غزني د ولسي جرګې، ولایتي شوراګانو او ولسوالیو شوراګانو ټاکنو لپاره د روښانه پلان د طرح کولو په موخه د ټاکنیزو اصلاحاتو په برخه کې د پلان نشتوالي څخه اندېښنه څرګندوي چې د افغانستان اساسي قانون له اصلي مواردو او همدارنګه د ارګ او سپېدار تر منځ د سیاسي هوکړې یوه برخه ده. د اوسني وضعیت دوام دا وېره رامنځته کوي چې ټاکنې د تېرو شلو کلونو په بهیر کې د جمهوري نظام د اصلي اساساتو او لاسته راوړنې په توګه هېرې شي او د جمهوريت د خبرو اترو ډله به د دې توان ونه لري چې د سولې خبرو اترو پر مېز له دغه اصل څخه د یوه ارزښت او د ښاروندۍ حق او په ورته وخت کې په هېواد کې د تلپاتي ټیکاو ټینګښت لپاره د اساسي کرښې په توګه دفاع وکړي. فیفا د ټاکنو په پروسه کې د یوه فعال بنسټ په توګه په دوامداره توګه د ټاکنیزو کمېسیونونو او په دې برخه کې د ښکېلو دولتي بنسټونو کړنې له دوی سره د غونډو جوړولو او فعالیت او پرمختګونو د کتنې له لارې څاري او پلټي او رغنده طرحې او وړاندیزونه ورکوي ترڅو د لویو او جدي ستونزو مخنیوی وشي. د ټاکنیزو اصلاحاتو یو اساسي رکن د ټاکنیزو قوانینو د اصلاح موضوع ده، چې باید په ټاکنو کې د ټولو ښکېلو اړخونو لپاره روښانه او بشپړ لارښود وړاندې کړي. لکه څنګه چې خبر یاست، د ټاکنو په قانون کې د تعدیل او زیاتوالي طرحه چې د ۱۳۹۷ کال د کب په لومړۍ نېټه د ولسمشر تقنیني فرمان کې صادر شو، د دې لامل شو چې د ۱۳۹۸ ولسمشریزې ټاکنې د ټولو نیمګړتیاو او تشو سره ترسره شي. خو د ټولو خواو موندنې دا وې چې د ټاکنو تقنیني فرمان باید له بېلابېلو اړخونو اصلاح او تعدیل شي. که څه هم دغه تقنیني فرمان د اساسي قانون د احکامو خلاف د اوږدې مودې لپاره په ولسي جرګه کې رایې اخیستنې ته وړاندې نه شو، خو د اساسي قانون دغه سرغړونې د ټاکنو خپلواک کمېسیون او حکومت ته فرصت برابراوه چې د ټاکنو اړوند بنسټونو، سیاسي ګوندونو او حقوقو او ټاکنو د چارو څانګپوهانو سره په همغږي یوه بشپړه او اصلاح شوې طرحه ولسي جرګې ته وړاندې کړي. که څه هم د عدليې وزارت د ټاکنو قانون د تعدیلي طرحې د اصلاح او چمتو کولو په برخه کې یو لړ ناستې او مطالعات کړي خو تر اوسه دغه طرحه هم نه ده نهایي شوې او له بده مرغه د لاسته راغلو معلوماتو له مخې ولسي جرګې د ټاکنو پر تقنیني فرمان باندې د بحث موضوع د روان کال د لیندۍ ۲۶مې عمومي غونډې په اجنډا کې شامله کړې ده. په دواړو حالتونو کې یانې که چېرې دغه فرمان د ملي شورا دواړه جرګې تایید کړي په دې مانا دی چې ټولې هغه ستونزې چې په تېرو ټاکنو کې وې، لاینحلې به پاتې شي او د ټاکنیزو قوانینو اصلاحاتو موضوع چې سیاسي اړخونو پرې هوکړه کړې نفي کېږي. په دویم حالت کې که چېرې تقنیني فرمان د ملي شورا دواړه جرګې رد کړي، د ټاکنو قانون او د ټاکنیزو کمېسیونونو د تشکیل، دندو او صلاحیتونو قانون چې په ۱۳۹۵ کال ملي شورا تصویب کړی د اجرا کېدو وړ دی چې اغېزې یې د جوړښت له مخې پر ټاکنیزو ادارو او ځینو پرمختګونو راځي چې د ۱۳۹۷ ولسي جرګې ټاکنو او د ۱۳۹۸ ولسمشریزو ټاکنو پر مهال شوي

نور جزئیات


12/15/2020

نېټه

فیفا

خپروونکی

خبرپاڼه

ډول

کابل

ولایت

له موږ سره اړیکه


پته: د حجاري او نجاري کوڅه، کارته چهار، کابل، افغانستان

د اړیکې شمېره: 82-0060-0772

د اړیکې شمېره: 52-3636-0782

برېښنالیک: info@fefa.org.af

زموږ رایه، زموږ راتلونکی

د کاپي حق محفوظ دی | 2021 | FEFA