فیفا

د توکیو کنفرانس په اړه د فیفا وړاندیزونه

• په هېواد کې د رڼو او عادلانه ټاکنو ترسره کېدلو، په سیاسي نظام کې د خلکو د رښتني او عادلانه استازیتوب د تضمین لپاره د قانوني اصلاحاتو عملي کول. ۱/ د ټاکنو په قوانینو کې اصلاحاتو ته دوام ورکول او د انتخاباتو هغه نوی قانون چې د ولسي جرګې لخوا تصویب شوی دی د تطبیق ډاډ ورکول. ۲/ د ټاکنو د قوانینو د اصلاحاتو او مقرراتو په برخه کې د مدني ټولنې او سیاسي ګوندونو سره پراخه سلا مشورې کول. ۳/ په ټاکنیز نظام کې د اصلاحاتو بهیر ډاډمنول او دغه راز د راتلوونکو ټاکنو د شفافه ترسره کولو څخه ملاتړ کول. ۴/ داسې یو ټاکنیز نظام رامنځته کول چې ترمخه یې په ټاکنو کې د سیاسي ګوندونو رول پیاوړې شي او دغه راز ورسره خپلواک کسان او کوچنۍ ګوندونه هم د سیاسي مبارزې فرصت ولري. ۵/ د ټاکنو د ترسره کېدو د نیټې معلومول باید د اساسي قانون، پراساس او د ټاکنیزو ادارو، سیاسي ګوندونو، پارلمان او مدني ټولنې سره د مشورو له لارې پدی هکله یو ګډ سیاسي تفاهم ته لاره هوارخ کړای شي. • د ټاکنو د ادارو د خپلواکۍ او مسلکې وړتیاوو د لوړتیا څخه ملاتړ کول. ۱/ د بهرنیو او دولتي ادارو د لاسوهنې د مخنیوې په موخه داسې قانونې تضمینات رامنځته کول چې ترمخه یې د ټاکنیزو ادارو (د ټاکنو خپلواک کمیسیون، د ټاکنو د شکایاتو کمیسیون) خپلواکۍ ، بي طرفې او مسلکی وړتیا وساتل شي. ۲ / د ټاکنو په کمیسیون او د شکایاتو په کمیسیون کې د کمیشنرانو ټاکنه باید د مدني ټولنې او علمې بنسټونو سره د پراخه مشورو له مخې ترسره شي. ۳ / د ټاکنیزو ادارو د تخنیکی او مسلکي وړتیاوو لوړوول د ملي او نړیوالو بنسټونو ملاتړ د جلبولو له لارې. ۴/ په ټاکنیز بهیر کې د نامسوولو بنسټونو د لاسوهنې د مخنیوي په موخه یو ځانګړی قانونې میکانیزم رامنځته کول.

فیفا د مدني ټولنې د یوه فعال غړي او په ټاکنیز بهیر کې د څارونکو ادارې په توګه له توکیو کنفرانسه تمه لري چې په افغانستان کې د ټاکنیز نظام د پیاوړتیا موضوع د یوه مهم عنصر په توګه د بحث او غور وړ وګڼي او په افغانستان کې په ۲۰۱۴کال کې د ولسمشرۍ ټاکنې شفافه او عادلانه توګه ترسره کېدو په برخه کې د افغان دولت او نړیوالې ټولنې څخه د څرګندې او روښانې ژمنې تمه کوي.