په افغانستان کې د نه لېږدېدونکې یوي رایې (SNTV) سیستم څېړنه

د افغانستان د ازادو او عادلانه ټولټاکنو موسسه (فیفا) د ټولو هغه شخصیتونو، ارګانونو، سیاسي ګوندونو او په هېواد کې د نظر خاوندانو څخه مننه کوي، چې د فیفا سره یې د دې پروژې په څېړلو کې مرسته کړې ده او په ځانګړې توګه د مدني ټولنو، سیاسي ګوندونو استازو، د پوهنتون استادانو او ټولو هغه شخصیتونو چې په انفرادي او ګروپي ډول مرکو او بحثونو ته حاضر شوي او د خپلو نظریاتو په شریکولو سره یې د فیفا سره د دغه څېړنې په بشپړولو کې مرسته کړې ده. فیفا د دوی له همکارۍ او زیار ستاینه او مننه کوي. همدا راز د یادولو وړ ده، چې د دغه څېړنې د ترسره کولو په برخه کې د مالي ملاتړ له امله د ټاکنیزو نظامونو د بین المللي بنسټ (IFES) او د USAID ادارې څخه مننه او قدردانى وشي. د فیفا څېړنې ښيي چې د رايې کارونې دغه ډول که څه هم ګټور دی، خو ځینې نیمګړتیاوې هم لري چې د دیموکراتیک نظام په غوړېدو کې اغېزناکې ګڼل کېدای شي. دا سیستم معمولاُ په هغو هېوادونو کې تطبیقېږي چې د ټاکنو دیموکراتیکه پروسه پکې نوې د تطبیق په حال کې وي، د فیفا د دغه تحقیق پراساس د ټاکنو دغه ډول ته د عامه پوهاوی امکانات زیات برابر دي. که څه هم په افغانستان کې د ۲۰۰۵ او ۲۰۱۰ کلونو ټاکنې پر دغه سیستم ترسره شوې، خو ستونزه بیا هم همدا ده چې دلته يې سیاسي ګوندونه پیاوړي نه کړل. پاتې جزییات په راپور کې ولولئ!!